re:Beauté | 我的體驗日記 | Reneex膠原自生

一入到去真係嚇咗一跳，因為好lux好似一個lounge咁。除咗環境之外，美容師都相當專業同服務態度好好。

先講解一下成個療程，其實有少少複雜。reenex膠原自生主要有以下五個療程組成。

深層清潔＋膠原自生

1. CPS 更生活膚療程

2. 極緻冷凍光學膠原自生療程

3. HGF 激活細胞增生療程 (HydraFacial)

消脂＋輪廓緊緻

4. TRF 膠原強效緊緻療程

5. AUF 擊脂緊緻輪廓療程

療程分成兩組。療程一至三為之一組，療程四至五為之一組。完成一組療程後三個星期再做另一組療程。如是者交替療程，每組做六次，總共一年。之後兩年膠原BB就會自己開始生長。呢個一年嘅package價錢折左之後大概四萬幾蚊，其實為番起每個月大概四千幾蚊，有哂深層清潔加緊致輪廓，價錢其實又唔係真係太貴。

由於我係試做嘅，我就揀咗做極緻冷凍光學膠原自生療程。但係個問題係做完之後我皮膚有啲敏感。因為一做完我照鏡就已經發現塊面有一粒紅咗嘅敏感瘡瘡，好彩第二日就已經謝咗啦。但可惜另一邊面就出咗一粒石頭瘡，我諗佢部機嘅能量太勁所以令到我底層嘅皮膚敏感出咗一粒冇燶頭既瘡。

雖然唔係好啱我皮膚，但其實做咗一次之後已經有好明顯嘅效果，因為本身我右邊面係比較低啲，左邊面係比較高啲。做完之後我嘅右邊面即刻脹返。我兩隻手㩒落去就感覺到兩邊面既高度都係好平均嘅。當然我只係做咗一次，第二日呢個效果已經變回原形

Universe is unlimited

2 Comments